Page 41 - KAZASKER MUSTAFA İZZET

"Silahdâr-ı esbâk Gazi Ahmed Paşa-zâde Devletlû Ali Beyefendinin dâire-i devletlerine bi’l-münâsebe

vürûd ve himmet-i vâlâ-nehmetleri ile hüner-i maârife bezl-i vücûd eden Hattat Mustafa Efendinin
sadâ-yı dâvûdî edâsı aliyyü’l-a’lâ ve nây-ı nâlânı cümleden bâlâ olduğu ittifak-ı ârâ olduğundan maâda
hüsn-i hatda emsâli nâyâb ve yazdığı kitabda kemâli malûm-ı küttâb iken mîr-i müşârünileyh hazretleri
tezâyüd-i feyzine sebep olmak mütâlaasiyle evvel-be-evvel Galata Sarayı’na tesyîr ve orada istidâd-ı

Hudâ-dâdı teşhîr olunca Enderûn-ı Hümâyun’a alınması takrîr olundukda Silahdâr İlyas Ağaya Mabeyn-i
Hümâyun’dan haberler irsâl ve ‘Böyle ehl-i kemâl Galata Sarayı’nda kalmak revâ-yı hak mıdır?’ deyü suâl
olunca, Silahdâr Ağa hazretleri fi’l-hâl celbine kapı çukadârını isbâl ve oradan geldiği ânda Mabeyn-i
Hümâyun’a îsâl ettikde ibtidâ nâyının istimâ’ına ikbâl ve ol dahî acemaşîrân makâmında bir taksîm-i

semiyy-i berâat istihlâl idüp kemâlini izhar ve her nağmede mahâretini ikrâr ettirdikte huzûr-ı hümâyunda
bulunan bazı ehl-i dil, 'Bu kulunuzun çaldığı nây gibi Kutb-i Nâyî değil Çallı dahî çalamadığı şüphesiz delil
gibidir,’ dediği her tarafdan tasdik ve çavuş tarîkine girmesi teşvik olunup birçok ihsân verilerek Kilâr’a
çerâğ buyrulduğu Silahdâr Ağaya ifade ve çavuşlara mülâzım olması netîce-i meâl-i irâde oldu." *

* Hafız Hızır İlyas, Letâif-i Vekâyi-i Enderûniye, İstanbul: Darü’t-Tıbâati’l-Âmire, 1276.