Page 279 - KAZASKER MUSTAFA İZZET

Ayasofya’nın Nişânesi | KAZASKER MUSTAFA İZZET

Hızır Ağa-zâde Sa'îd Bey'in Gazelini Tahmis

Âşık oldum olalı doğrusu ey mâh sana
Bir tarîk ile gönül olmadı hem-râh sana
Nice takrîr edeyim derd-i dilim âh sana
Etmedi gitdi eser nâle-i cân-gâh sana
Merhamet vermedi mi Hazret-i Allâh sana

Eyledin gönlümü âvîze-i mehd-i ülfet
Garaz eğlenmek imiş sonradan etdim dikkat
Böyle tıflâne edâya kim eder emniyyet
Nâlem etmiş seni hâbîde-i hâb-ı nahvet
Gâlibâ ninni gelir âh-ı seher-gâh sana

Nâle-i aşk-ı ciger-sûzımı sandın kuru lâf
Sana takrîr-i gumûm-ı dil olup cümle hilâf
Hâlime eylemedin atf-ı nigâh-ı insâf
Âkıbet ömrümü hüsnün gibi kıldın itlâf
Kaldı sermâye hemân âh bana vâh sana

Nedïr ey çerh sitem-dîdeye kahrın öyle
Etdigin lutfu bana sen de bilïrsïn söyle
Âh ü feryâdımı sen sanma tehîce böyle
Beni şâd eylemedin bir kere insâf eyle
Acebâ neyledim ey tâli-i bedhâh sana

Her ne rütbe görünürse sana sûretde baîd
İzzetâ kesme sakın şâhid-i ma’nîden ümîd
Zâhir oldukça gönülde hele sırr-ı tevhîd
Tükenïr bî-haberâne reviş elbetde Sa'îd
Zannıma rehber olur bu dil-i âgâh sana
...

277